ताजा खाबर :

News

image not found

नेविसंघ जापान शाखाको कार्यसमिति गठन

 
चेतन बोहरा, रेडियो कञ्चनपुर/भदौँ ३१
नेपाल विद्यार्थी संघ जापान शाखाले ४ शाखा अध्यक्ष सहित  ३७ जनाको कार्यसमिति गठन गरेको छ । आइतवार  जापान शाखा अध्यक्ष दिपक अधिकारीले  जापान शाखाको विस्तार गरेका हुन । 
 
शाखा विस्तार र नेविसंघ विभागमा रहेर काम गर्नको लागि दीपक अधिकारीलाई नेविसंघ अध्यक्ष नैनसिंह महरले जापान शाखा अध्यक्षको जिम्मेवारी दिएका थिए। पछिल्लो समयमा  जापानामा नेपाली विद्यार्थीको संख्या बढ्दै गएको अवस्थामा विद्यार्थी रहेका विभिन्न शहरबाट प्रतिनिधित्व गर्ने गरी शाखा विस्तार गरेको अध्यक्ष अधिकारीले बताए । 
 
१२ जना पदाधिकारी, ४ शाखा अध्यक्ष र २१ जना सदस्य सहित ३७ जनाको कार्यसमित अध्यक्ष अधिकारीले गठन गरेका हुन्। अध्यक्ष बाहेक १२ पदाधिकारीमा ५ उपाध्यक्ष, एक महामन्त्री, ५ सहमहामन्त्री र एक कोषाध्यक्ष रहेका छन्। त्यस्तै चार वटा शहरलाई केन्द्रित गरी शाखा अध्यक्षको जिम्मेवारी दिइएको छ। जसमा टोक्यो शाखाबाट प्रविण यादब, फुकुआको शाखाबाट निराजन कार्की, नगोया  शाखाबाट संजिव महतरा क्षेत्री र अकिनोवा शाखा बाट रमेश अधिकारीलाई अध्यक्षको जिम्मेवारी दिइएको छ। 
 
अध्यक्ष अधिकारीले नेपाल विद्यार्थी संघको विधान बसेर जापानामा रहेका नेपाली विद्यार्थीको हक हित र सांगठानिक विस्तारको काममा आफू सक्रिय हुने बताएका छन्।  नेपाल विद्यार्थी संघले आगामी कात्तिकमा हुने महाधिवेसनलाई केन्द्रित गरेर  संघका शाखाहरूमा अधिवेसन गर्न सुरु गरिसकेको छ। नेपाल बाट ७ नम्बरका प्रदेश सदस्य  रमेश ठगुन्नाले जानकारी दिए ।