कञ्चनपुरको दोधारा चाँदनीमा तेस्रो कञ्चनपुर सम्मेलन २०८० सम्पन्न

चौथो सम्मेलन शुक्लाफाँटामा हुने

३० मङ्सिर, २०८०

कञ्चनपुरको दोधारा चाँदनी नगरपालिकामा तेस्रो कञ्चनपुर सम्मेलन २०८० सम्पन्न भएको छ । शुक्रबार दोधारा चाँदनी नगरपालिकाको आयोजना नेपाल राष्ट्रिय समाज कल्याण संघ (एनएनएस डब्लूए) र डीसीए को प्राविधिक तथा व्यवस्थापकीय साझेदारीमा कञ्चनपुर सम्मेलन सम्पन्न भएको हो । कञ्चनपुर सम्मेलन १० बुदे दोधराचाँदनि धोषणापत्र जारी गर्दै सम्पन्न भएको नेपाल राष्ट्रिय समाज कल्याण संघ (एनएनएस डब्लूए) का कार्यकारी निर्देशक अशोक बिक्रम जैरुले जानकारी दिनु भएको छ ।
सुरक्षित र दिगो विकासका लागि उत्थानशील पालिका मञ्चले विपद् व्यवस्थापन सम्बन्धि कञ्चनपुरका नौ वटै पालिकालाई उत्तरदायी बनाउने कुरामा सम्मेलनले महत्त्वपूणर् भूमिका निर्वाह गर्ने निर्देशक जैरूले बिश्वास ब्यक्त गर्नु भएको छ ।
घोषणापत्रमा दिगो बिकास ,जलवायु परिवर्तन र विपद जोखिम न्यूनीकरण लगायतका बिभिद्ध बिषय समेटिएका छन ।
कञ्चनपुरका ९ बटै पालिकाहरुले भईपरि आउने बिपद जन्य जोखिम न्युनिकरणको लागि को सहकार्य र समुन्वय गर्ने, संयुक्त रुपमा बिपद कोष स्थापना गर्ने, दिगो बिकासमा सबैले जोड दिने ,पुर्ब सुचना प्रणालिको उपयोग गर्ने ,जंगलि जनावरबाट हुने क्षतिको न्युनिकरणमा ध्यान दिने , बिपद संग सम्बन्धित कुरा स्थानिय पाठ्यक्रममा समेट्ने , स्थानियहरुको क्षमता अभिबृद्धि गर्ने, स्थानिय बिकास योजना निर्माण तथा कार्यान्वयनमा लैगिंक तथा समाबेसिकरणमा जोड दिने , जिल्लामा बिपद जन्य जोखिमका क्षेत्रहरुको पहिचान गरी बिपद न्युनिकरणमा काम गर्ने र दिगो बिकास ,विपद न्युनिकरणको लागि अन्य निकायहरु संग सहकार्य गर्ने लगायतका बिषय बस्तु समेटिएका छन ।
कार्यक्रममा बोल्दै सुुदूपश्चिम प्रदेश सरकारका भौतिक पूर्वाधार विकास मन्त्री प्रकाश देउवाले दोधारा चाँदनीले सुदूरपश्चिमलाई समृद्ध बनाउने बताउनु भएको छ । उहाँले दोधारा चाँदनी सुदूरपश्चिमको मुख्य नाका भएर सुदूरपश्चिमलाई समृद्ध बनाउने बाटोमा अघि बढेको बताउनु भएको छ । दोधारा चाँदनीको विकासका लागि प्रदेश सरकार सधैं प्रतिवद्ध भएको मन्त्री देउवाको भनाई छ । दोधारा चाँदनी सहित कञ्चनपुुर र तराई क्षेत्रमा बाढी र डुबानको समस्या भएको उल्लेख गर्दै उहाँले संघ सरकारले बर्सेनी विनियोजन गर्दै आएको बजेटले नियन्त्रण हुन नसकेको बताउनु भएको छ ।
कार्यक्रममा बोल्ने बक्ताहरुले कञ्चनपुर सम्मेलन २०८० ले कञ्चनपुरको सुरक्षित र दिगो विकास, बिपद जोखिम न्युनिकरणको लागि अहम भुमिका निर्बाह गरेको बताएका छन । कञ्चनपुरमा जंगलि जनाबर, बाढि र डुवानकोे जोखिम रहेकोले सबैको सहयोग र सहकार्य आबश्यक रहेको उनिहरुले बताएका छन । आगामी दिनमा कार्यक्रमलाई अझ प्रभावकारी बनाउन कञ्चनपुरका सबै पालिका प्रमुख प्रतिबद्ध रहेको उनीहरुले बताएका छन् ।
दिगो शहरी विकास, जलवायु परिवर्तन , विपद् जोखिम न्यूनीकरण, जंगली हात्ती आतंकले पुर्‍याइरहेको भौतिक तथा आर्थिक क्षति न्यूनीकरणका उपाय बारे सम्मेलनमा छलफल गरिएको छ ।
सम्मेलनको पहिलो सत्रमा सबै पालिकाहरुमा ठूलो समस्याको रुपमा रहेको जंगली हात्तीले पुर्‍याईरहेको मानवीय, भौतिक र आर्थिक क्षति न्यूनीकरणका उपायको बारेमा छलफल गरीएको थियो। छलफलको सहजीकरण मानव-हात्ती द्वन्द व्यवस्थापन विज्ञ जेडएसएल नेपालका डा. दिनेश न्यौपानेले गर्नु भएको हो । यस्तै गरी दोस्रो सत्रमा जलवायुजन्य विपदको जोखिम न्यूनीकरणका लागि सबैको लागि पूर्व सूचना विषयमा भएको छलफलको सहजीकरण आईएचएचआरका डा. सञ्जय देवकोटा, डीसीएका दिनेश गुरुङ लगायतले गर्नु भएको थियो ।
सुदुरपश्चिमका भौतिक पुर्बाधार बिकास मन्त्रि प्रकाश देउवाको प्रमुख आथित्यता र दोधराचाँदनि नगरपालिकाका नगरप्रमुख किसोर कुमार लिम्बुको सभापतित्वमा सम्पन्न भएको कञ्चनपुर सम्मेलनमा प्रदेश सभा सदस्य र कञ्चनपुरका ९ बटै पालिकाका प्रमुख तथा प्रतिनिधि , साझेदार संस्थाका प्रमुख तथा प्रतिनिधि लगायत सरोकारबालाहरुको सहभागिता रहेको थियो ।
नेपाल राष्ट्रिय समाज कल्याण संघ कञ्चनपुरको सहकार्य र सहयोगमा पहिलो पटक ०७८ सालमा भीमदत्त नगरपालिकाबाट सुरु गरिएको कार्यक्रम दोस्रो पटक पुनर्वासमा गरिएको थियो । भने - तेस्रोपटक दोधारा चाँदनी नगरपालिकाले सञ्चालन गरेको हो ।
शुक्लाफाँटा नगरपालिकाका मेयर रण बहादुर महराले चौथो सम्मेलन शुक्लाफाँटाका नगरपालिकामा गर्ने घोषणा गर्नु भएको छ ।